Davranış Qaydaları

CODEX İcmasının bütün iştirakçılarının həm onlayn, həm də canlı baş tutan CODEX ilə əlaqəli tədbirlərdə Davranış qaydalarımıza riayət etmələri gözlənilir.

Vədimiz

Açıq və qonaqpərvər bir mühitin yaradılması məqsədi ilə, CODEX rəhbərliyi olaraq layihəmizdə və cəmiyyətimizdə yaşından, cinsindən, irqindən, dinindən, əlilliyindən, etnik mənsubiyyətindən və istənilən ayrı seçkilik yarada biləcək hallardan asılı olmayaraq hər kəs üçün təzyiqsiz və azad məkan yaratmağı vəd edirik.

Standartlarımız

Müsbət bir mühit yaratmağa kömək edən davranış nümunələrinə aşağıdakılar daxildir:

• Qonaqpərvər və inklüziv dil istifadə edilməsi;
• Fərqli baxış və təcrübələrə hörmətlə yanaşılması;
• İnsanlara üstünlük verdikləri tərzdə müraciət edilməsi və qeyri-müəyyənlik olduqda Siz deyə müraciət edilməsinin üstün tutulması;
• Konstruktiv tənqidin rəğbətlə qəbul olunmas;
• Cəmiyyət üçün ən yaxşı olan şeyə fokuslanmaq;
• İcmamızın digər üzvlərinə qarşı mərhəmət göstərilməsi.

İstifadəçilər tərəfindən yolverilməz davranış nümunələrinə aşağıdakılar daxildir:

• Trolling, təhqir / təhqiramiz şərhlər, habelə şəxsi və ya siyasi hücumlar;
• İctimai və ya şəxsə yönəlmiş təcavüz;
• Başqalarının şəxsi məlumatlarını, (məsələn fiziki və ya elektron ünvanın) icazə olmadan paylaşmaq;
• Peşəkar mühitdə uyğun olmayan hesab edilə bilən digər davranışlar;
• Qaydalara məhəl qoymayaraq əxlaqa zidd hərəkətlər.

Mühafizə

Davranış qaydalarının pozuntuları barəsində şikayətlərinizi rəhbərliyə - abuse@codex.az elektron poçtuna göndərməklə bildirə bilərsiniz. Bütün məktublar nəzərdən keçiriləcək və araşdırılacaq.

Rəhbərliyin, bu Davranış Qaydalarına uyğun olmayan şərhləri və ya digər yazıları silmək və ya təhdid, təhqir və zərərli hesab etdikləri digər davranışlara görə istifadəçiləri müvəqqəti və ya daimi olaraq fəaliyyətini dayandırmaq hüququ və məsuliyyəti vardır.